Red Corner

Noong Linggo, nanood kami ng boksing
sa Araneta.
Ilang dipa lamang ang layo namin
sa arena.

May tiwalag pala ritong planeta:

Walang pakialam ang boxer
kung sa 'yo tumama ang singa.

Walang pakialam ang round-girl
kung wala siyang bra.

Walang pakialam ang referee
kung inaawat na ng axe at rexona.

Walang pakialam ang audience
kung ang sigaw niya'y masakit sa tenga.

Pagkat ang gustong alamin ng lahat
ay kung may lalaglag na panga!