R e s o l u s y o n

Tahimik na ang mga paputok,

tinangay na ang usok at kalat;

hindi parin makaimik ang nagpuputok

na hinanakit sa mabilis na patak ng metro;

sa patumpik na usad ng hustisya;

sa pagtapak sa maliliit;

sa pagtupok sa pangarap;

sa pagpitik sa mga walang sinasabi;

sa pagputak ng mga may boses;

Nagkalat ang putik sa pulitika.

Nagkalat ang patok na modus.

Nagkalat ang tapik at lagay.

Kailangan ang tubig at paghuhugas

sana'y umulan kahit hindi bagong taon.